LlB Llsgr. Cotton Cleopatra A XIV – tudalen 56v
Llyfr Cyfnerth
56v
ae froen. Whe bu a whe ugein aryant yỽ guerth pop
Vn o·honunt. Kyn trycher clust dyn y
ymdeith oll. a| chlybot or dyn arnaỽ mal kynt
dỽy uu a deugeint aryant a| tal. Ony chlyỽ
arnaỽ. Whe bu a whe ugeint aryant a| tal.
Keilleu vn werth ynt ar deudec aelaỽt ury.
Tauaỽt e| hunan kymeint y werth ar sa ̷+
ỽl aelaỽt a| riuỽyt. Holl aelodeu dyn pan
gyfriuer ygyt vn punt ar pymthec a
phedwar ugeint punt a| talant. Guerth
bys dyn. buỽch ac ugeint aryant. Guerth
y uaỽt dỽy uu a| deu·geint aryant. Guerth
ewin dyn dec ar| hugeint aryant. Guerth
kygỽg eithaf. whech ar hugeint a dimei
a| thrayan dimei. Guerth y kygỽg perued.
dec a deugeint a| dimei a deuparth dimei.
Guerth y kygỽg nessaf. petwar ugeint.
Guerth rac·dant dyn. pedeir ar hugeint ar+
yant gan tri dyrchauel Guerth kildant
dec a| deugeint aryant. Pedeir ar hugeint
aryant yỽ guerth guaet dyn. can nyt tei+
| « p 56r | p 57r » |