LlGC Llsgr. 3036 (Mostyn 117) – tudalen 214
Brut y Brenhinoedd
214
yueu yn rannu yrom.
A Guedy darllein y llythyr rac bron arthur ar
brenhined ar| tywyssogyon oed gyt ac ef. ky+
uodi a| wnaethant a mynet odyno parth a| thỽr
y kewri ỽrth atteb trỽy gyghor am y kennadỽri
hỽnnỽ. A thra yttoedynt yn eskynnu gradeu y
tỽr. sef a wnaeth kadỽr tywyssaỽc kernyỽ dan ch+
werthin yn llawen o|e vryt a|e uedỽl dywedut
yr ymadraỽd hỽnn. Hyt hyn arglỽyd heb ef y
bu arnaf| i ofyn maỽr rac gorescyn o lesced y bryt+
anyeit o hir tagnefed a seguryt. trỽy ymrodi yr
guledeu ar| meddaỽt ar godineb. kanyt oes pe+
druster yny guledycho meddaỽt a charyat y gura+
ged. a seguryt a| thaplys a| gỽydbỽyll. colli y|gleỽ+
der ar| nerthoed ar kedernyt. Ac* llychwinao* y clot
ar enryded. Ac agos y pump blyned yssyd yr pan
ydym ninheu yn ymrodi y wledeu a seguryt. Ac
ỽrth hynny y mae duỽ yn kyffroi guyr rufein yn
an herbyn ar rodi defnyd inni y uỽrỽ llesced a segu+
ryt y ỽrthym ac y ymgoffau ac an milỽryaeth.
Ac ar hynny ỽynt a doethant hyt yn tỽr y kewri.
A Guedy kyueistydyaỽ o paỽb onadunt yn her+
wyd eu henryded. Arthur a dywaỽt val hyn.
Arglỽydi vyg kytuarchogyon am ketymdeithon
prouedic yr geueis aỽch kyghoreu chwi hyt hyn
eiroet yn rỽyd ac yn dyrys. Ac ỽrth hynny; synhỽ+
yrỽch yr aỽr hon a| medylyỽch o vn vryt py atteb
| « p 213 | p 215 » |