Llsgr. Amwythig 11 – tudalen 62
Pa ddelw y dylai dyn gredu i Dduw
62
a wnel dẏn ac ac* arall. Chechet* Pechawt. Marwawl. ẏỽ
glothineb Sef ẏỽ hẏnnẏ kẏmrẏt o dẏn o
achaỽs digrifỽch knaỽtaỽl bỽẏt neu lẏn
mỽẏ no digaỽn a cheigeu ẏ pechaỽt hỽ+
nnỽ ẏnt keissaỽ o dẏn tra destlusrỽẏd
neu tra chẏỽreinrỽẏd ar vỽẏt neu lẏn
ẏ gẏmrẏt gormod o·nadunt drỽẏ ẏ bei
orthrỽm ar ẏ gorff neu ar ẏ eneit neu
ẏ collei ẏ synnỽẏrẏeu neu nerth ẏ gorff
neu gẏmrẏt bỽẏt neu lẏn kẏn efferen
duỽ sul neu ẏn˄n dẏdẏeu gỽẏleu erbẏn+
nic neu ẏn vẏnẏchach noc vnweith ẏn
dẏdẏeu catcoreu a meinkaeu ẏ seint a|r
graỽẏs Seithuet. Pechawt. Marwawl ẏỽ godineb Sef
ẏỽ hẏnnẏ gỽeithret kẏt·knaỽt rỽg gỽr a
gỽreic ẏn amphriaỽt neu a gỽreic a|dẏ+
at torri priodas torri morỽẏndaỽt tre+
issaỽ gỽreic pechu ẏn erbyn kẏỽẏdẏaeth
neu gerennẏd neu a dẏn diofrẏdaỽc neu
ac vrdaỽl* kẏssegredic neu a chredyfdyn
| « p 61 | digital image | p 63 » |