Rhydychen, Llsgr. Rawlinson B 467 – tudalen 25r
Meddyginiaethau
25r
yuet. a|chẏmrẏt bara pyaẏol* gỽenith
neu vara keirch. a|meid geifẏr a chic kyỽ+
yon. a|iỽt gỽeiscon trỽẏ dỽfẏr. a pheidẏaỽ
a|ỻaeth ac a ỻaethuỽẏt. Araỻ ẏỽ onẏ phe+
it ẏ krẏt. ar dẏn ẏ dodi mẏỽn eneint
yr aỽr ẏ del ẏ krẏt idaỽ a rodi kẏuot idaỽ
ẏn ẏr eneint. herỽẏd ẏ nerth. Goreu
tri ỻẏn ẏ|dri gỽres. ỻyn avaleu. a|meid
geifẏr. a dỽfẏr fẏnnaỽn. Llẏma vede+
ginẏaeth araỻ rac teir·ton grẏt ky+
mrẏt ẏ|gaỽreid lỽẏt. a|r greulẏs vaỽr
a|r gỽreid bengoch. a|r diỽẏtkyl. a|r ieu+
tott. a|risc ẏr ẏscaỽ a|r hoccẏs. ac eu
berỽi ẏ·gẏt mẏỽn krochan neu gaỻor
ẏn oreu. ẏ|gaỻer. ac odẏna kẏmryt ẏ|dỽ+
fyr a|r ỻẏsseu ac eu|dodi ẏ·gẏt mẏỽn ke+
rỽẏn. ac ẏn yr aỽr ẏ|del ẏ krẏt ẏ|r dẏn
ẏ dodi mẏỽn ẏr ennein. ỻẏma vedẏgleu
ẏssẏd da rac hẏnnẏ. kẏmrẏt ẏ|vrisẏs
| « p 24v | p 25v » |