LlGC Llsgr. Peniarth 46 – tudalen 271
Brut y Brenhinoedd
271
yn ymlad a|r gaer.
y|dyỽat ual hynn.
kynny bo teilỽg gann y bratỽyr ys+
gymun anudonul cadỽ eu haruoll a|mi.
Miui a|e catỽaf uy ffyd ỽrth duỽ. gann geis+
saỽ dial gỽaet y|kyỽydaỽtỽyr arnadunt ỽy.
Gỽisgỽch ỽyr aỽch arueu. a|chyrchwch yn
hỽy yn ỽraỽl. y|tỽyllỽyr pagannyeit. racỽ.
a|chann ganhorthỽy crist ni a|e goruydỽn. ~
A |Gỽedy dyỽedut ohonaỽ ef yr ymadra ̷+
ỽd hỽnnỽ y kyuodes difuric archescob
caerllion. a seuyll ar|benn brynn v+
chel. a|dyỽedut yn|y ỽed honn . a ỽyrda heb
ef y|rei yssyd ardyrchaỽc o gristonogaỽl fyd
gatholic. Coffeỽch gỽaet ych|kyỽdaỽdỽyr
ysyd ellygedic y|gann yr ysgymun estraỽnn
saesson pagannyeit. Canys gỽaradỽyt yỽ
yỽch ony lauuryỽch y|geissaỽ dial ych|kened+
dyl. arnadunt. ac ỽrth hynny ymledỽch d
dros ych|gỽlat. a|godeuỽch agheu drosti o|r|byd
reit yỽch. Canys pỽy|bynnac a|damỽeinho
idaỽ yr agheu honno yn ymlad dros y ỽlat a|e gyturodyr
| « p 270 | p 272 » |