LlGC Llsgr. Peniarth 190 – tudalen 7
Ystoria Lucidar
7
ỽynt a|ymchoelant drachevyn y|r ỻe y ỻith+
ront o·honaỽ. Y mor a|r gỽynnoed a|e syn+
nyant. kanys ỽynt a|vuydhaant idaỽ. ac
a orffowyssant pan y harcho udunt yn|di+
annot. Y meirỽ a|e synnyant. kanys pan
y harcho udunt ỽynt a|gyuodant. Uffern
a|e synnya. kanys y rei a|lyngko a|atuer
drachevyn pan y|harcho idaỽ. Yr holl ani+
ueileit a|e synnyant. kanys ỽynt a gatwant
y gyfreith a|orchymynnaỽd udunt. discipulus Pa
ryỽ beth a|dywedir. ef a wnaethpỽyt y gos+
per a|r bore. Magister Y gosper yỽ diwed y peth a
orffenner. a|r bore yỽ y dechreu. discipulus Dywet
athro ym hynny a vo amlygach. Magister Yn|gyn+
taf y gossodes duỽ megys brenhin kyuoeth+
aỽc llys arderchaỽc idaỽ a|elwir teyrnas nef.
Odyna. nyt amgen y byt hỽnn. ac yndaỽ
ynteu ỻe angheuaỽl. sef yỽ hỽnnnỽ* uffern.
Ac y|r ỻys honno y rac·weles ef anuon o+
honaỽ rif hyspys o etholedigyon. a hynny o
engylyon a|dynyon. Nyt amgen. y naỽ rad
| « p 6 | p 8 » |