Rhydychen, Llsgr. Rawlinson B 467 – tudalen 20r
Meddyginiaethau
20r
o|r lorei. a|blonec kath. a phẏc. a gỽaet
gafẏr. a|chẏmẏsc hỽẏnt ẏ·gẏt mẏỽn
padeỻ ar ẏ tan a|gỽna eli ohonaỽ. Araỻ
ẏỽ kẏmer vlaỽt a|ỽneler o|r kagẏl. ac
oel a|ỽneler o|velẏn ỽẏ. a gỽna flastẏr
a|dot ỻe ẏ|mẏnẏch dẏfu gỽaỻt. Araỻ
ẏỽ kẏmer vinegẏr a|r gẏmeint ar+
aỻ o oel o Ros. a|galingal a|gỽna bỽdẏr
o hỽnnỽ. a dot ẏ|pỽdẏr a|r oel. a|r vin+
egẏr. ac ẏn gẏnta rugyl ẏn da ẏ|ỻe
ẏ mẏnẏch dẏfu gỽaỻt. gẏt a|chlỽt ỻi+
ein. a|chỽedẏ hẏnnẏ ir ef gẏt a|r oelment.
Rac ẏr ic kẏmer ỽin a|rut a|phẏbẏr
a chẏmsc* ẏ·gẏt a|hỽẏnt gỽrẏf a|dẏro
idaỽ ẏ ẏ·vet. Y ỽneuthur danned ẏn
ỽẏnẏon. kẏmer geing o|r|gỽinỽẏd a
| « p 19v | p 20v » |