LlGC Llsgr. Llanstephan 27 (Llyfr Coch Talgarth) – tudalen 167r
Cynghorau Catwn
167r
dielỽ a|rat y keffy amser araỻ. ac am hynny nac argyỽ+
eda y neb drỽy ormod chwant. a chebydyaeth. Y kyned+
ueu a vo cas gennyt y vot ar araỻ. moges* rac y kyf+
felybedigyon arnat dy|hun. kanys kewilydyus yỽ y dyn
dysgu araỻ am y beieu a vo arnaỽ e|hun. val y dyweit
crist yn|yr euengyl. Tynn y brychewyn o|th lygat dy hun
kynn tynnych o lygat araỻ. Pan erchych beth y araỻ.
arch beth aduỽyn kyfyaỽn. kanys ynuytrỽyd yỽ ytt er+
chi peth y gaỻer dy nackau o·honaỽ herwyd kyfreith.
Na|chret beth aniheu an·wybodus gennyt yn vỽy no
pheth hyspys. kanys y peth dieu hyspys gennyt ac
a|wdost herwyd dy varn dy hun. a damchwein yỽ y peth
araỻ kanys anwybodus ac amheu yỽ. Edrych beun+
yd gỽneuthur dy les dy hun yn|y byt hỽnn. ac yn|y nef
vot pob ỻauur ytt yn gryno ac yn ỻes heb afles na phe+
chaỽt y|th eneit. Yr gaỻel ohonat ar·gywedu y|th gyfnes+
saf. na wna hynny mỽy no chynt. kanys drỽy garedigr+
ỽyd y kynhelir y gedymdeithyas. Na russya dreulyaỽ by+
chydic pan wypych enniỻ ỻawer arnaỽ. kanys ratla+
ỽn a doeth yỽ y neb a|wnel ueỻy. Na vit drỽc dy rod y|r
neb y perthyno ytt y vot yn|da. ac y|r neb yssyd yn gỽeỻau
arnat. kanys ỻit a vac cas. a chytundeb a vac caryat.
Pan vych lidiaỽc ỽrth dy dy* weissyon neu ỽrth ereiỻ.
kymedrola ar dy|lit a|th amhỽyỻ. rac gỽneuthur drỽc o+
honat ytty|hun neu udunt ỽynteu. Yr dy vot yn drech
noc araỻ na wna gam idaỽ. kanys mỽyaf doethineb yỽ
enmyned. Bit anwylach gennyt y peth a gefeist drỽy
| « p 166v | p 167v » |