LlGC Llsgr. Peniarth 38 – tudalen 54v
Llyfr Blegywryd
54v
gyỽed segyrllit a ỽneler y|dyn eglỽyssic a|dylyir i |talu
idaỽ yn sened. herỽyd kyfreith eglỽyssic. Tri|pheth
a|dyly pop braỽtỽr y|ỽarandaỽ y gan y|dadleuỽyr kyn
barnu neb ohonunt y ennill nac y|gollet. nyt amg ̷ ̷+
en. kỽyn. a deisyf. ac atteb. Pỽy|bynhac a|gollo peth
trỽy varn tremyc. ef a|dichaỽn rodi y|ỽystyl yn erbyn
y varn pan y|mynho o|vyỽn y vn dyd a blỽydyn yn
y vlỽydyn gyntaf y|kaffo y|gan y brenhin. y braỽtỽr
a|rodes y varn yn sefyll ỽrth gyfreith trỽy y veint
amser hỽnnỽ. os o vyỽn yr amser hỽnnỽ yd|ymỽys+
tla ef yn erbyn y vraỽt. ef a|dylyir eturyt idaỽ y holl
gollet yn diohir. ac ynteu a|dyly kynhal hỽnnỽ yn
rỽymedic ỽrth gyfreith hyt pan vo y dosparth trỽy
lyfreu kyfreith yrydaỽ a|r braỽtỽr am y|varn tremyc
megys y gỽypper pỽy a orffer neu a|orffo. a|r braỽtỽr
a|dyly eturyt dros y brenhin yr hyn a varnỽys y|r
brenhin o|r da hỽnnỽ. a|r hyn a|varnassei y ereill. ỽ+
ynt a|dylyant y eturyt heb amgen dial. ony oruyd
kỽynaỽ racdunt mal rac y|braỽtỽr. Os y|braỽtỽr a
oruydir; atuerer y|r kỽynỽr y da oll drachefyn. kany
henyỽ o|ỽassanaeth braỽtỽr rodi barn tremyc. ỽrth
| « p 54r | p 55r » |