LlB Llsgr. Cotton Cleopatra A XIV – tudalen 59r
Llyfr Cyfnerth
59r
ir kyrch kyhoedaỽc o lei no naỽ wyr.
Llys bieu teruynu. A guedy llys llan. A gue ̷+
dy llan breint. A guedy breint kygwarcha ̷+
dỽ ar diffeith. ty ac odyn ac yscubaỽr yỽ kygwarchadỽ.
OR tyf kynhen rỽg dỽy tref vn vreint am
teruyn. guyrda y brenhin bieu teruynu
hỽnnỽ os gỽybydant. Ac or byd petrus gan+
tunt ỽy. dylyetogyon y tir bieu tygu o paỽb
y teruyn. Ac odyna ranent eu hamrysson yn
deu haner. y·rydunt. Kyt teruyno tref ar y llall
ny dyly dỽyn rantir y ỽrthi. Haner punt a| daỽ
yr brenhin pan teruyner tir. A phedeir ar| hu ̷+
geint yr braỽtwyr pan dycco kyfreith tir y dyn.
Haner punt a| daỽ yr brenhin o pop rantir pan
y hestynho. Y neb a holho tir yn naỽ·uet·dyd.
racuyr. braỽt a| geiff o·honaỽ kyn naỽ·uetdyd
mei. Ac ony cheiff braỽt yna o·honaỽ holet
yn naỽuetdyd mei elchỽyl or myn erlyn kyf+
reith. Ac odyna agoret uyd guir idaỽ pan y
mynho y brenhin. Tri datanhud tir yssyd
datanhud carr. A datanhud beich. A datanhud
| « p 58v | p 59v » |