LlB Llsgr. Cotton Titus D IX – tudalen 14v
Llyfr Blegywryd
14v
Y|chowyll yỽ teir punt. Y|heguedi yỽ seith
punt. Ebediỽ penkynyd yỽ; punt. a|hanner.
G Was ystauell nyt oes le dilis idaỽ yn|y
neuad. kannys ef bieu cadỽ guely y
brenhin a gỽneuthur y|negesseu rỽg
y|neuad. a|r|ystauell. Y|tir a|geiff yn ryd. a|e
varch y gan y brenhin. Rann gỽr a geiff o|ar+
yant y guestuaeu. Ef bieu gỽneuthur gỽ ̷+
ely y|brenhin. a|e tannu. Y|verch vn vreint
vyd. a merch y|penguastraut. Y|ebediỽ vyd
punt. a|hanner. Ef a|geiff gỽiscoed y|bren+
hin pan beitto ac ỽynt. a|brethyn y ỽely.
Mantell. a|pheis. a|chrys. a|llaỽdỽr. a|e|ho ̷+
ssanneu. a|e escyttyeu. MOr·ỽyn ystauell
brenhines a geiff y gỽiscoed hitheu eithyr
yr rei yd aruerho ohonunt y|garaỽys. Hi
a|geiff hen gyfrỽyeu y|vrenhines. a|e|henn
ffrỽynneu. a|e|hesccityeu. Gỽas ystauell
a geiff yr anneired. a|r enderiged o|r anreith
a|dyccer y|gorỽlat. Os teulu y|brenhin. neu
ỽyr y ỽlat a|gymerant anreith y|gỽlat y
brenhin. yr anreithỽyr a|gaffant y|ryỽ ei ̷+
donneu hynny. O|r daỽ bard teulu y erchi
at y|brenhin. canet idaỽ vn canu. Os at
vchelỽr y|daỽ. canet tri. Os at vilaein y ̷
daỽ canet hynny* diffyccyo. Os bard teulu
| « p 14r | p 15r » |