LlGC Llsgr. 3035 (Mostyn 116) – tudalen 29r
Brut y Brenhinoedd
29r
veỻy dyuot aỻan o|r casteỻ a|wnaethant ỽynteu a deu+
dyblygu aerua onadunt a Megys y dywespỽyt vchot
kyrchu a|wnaeth brutus bebyỻ y brenhin a|e daly ac
erchi y|garcharu. Kanẏs mỽy les a dybygei y vot o|e
garcharu noc o|e lad Y|dorof a oed ygyt ac ynteu ny
orffoỽyssassei honno o|lad heb drugared a gyffarffei a
hi Ac yn|y wed hono y|treulynt y|nos yny doeth y|dyd
yny oed amlỽc gỽelet meint yr arua* a wnathoedynt
Ac yna ỻa·wenhau a|wnaeth brutus a|ranu yr yspei+
leu a wnaethpỽyt y·rỽg y|wyr ef A hẏt tra yttoedit
yn ranu yr yspeil yd aethpỽyt a|r brenhin yg karchar
y|r casteỻ. ac yd erchis brutus kadarnhau y casteỻ a
chladu y calaned. A gỽedy daruot hyny ymgynuỻaỽ
a|wnaeth brutus a|e lu ygyt o diruaỽr lewenyd a
budugolyaeth a|mynet y|r diffeith y|r ỻe yr oed yr
anhedeu a|r|gỽraged a|r meibon. ~ ~ ~ ~ ~
A c yna y gelwis brutus y henafgỽyr attaỽ y|ym+
gygor pa beth a|wnelhei am|pandrassus vren ̷+
hin goroec. kanys hyt tra vei ef yn eu karchar
hỽy ac yn eu medyant dir oed idaỽ wneuthur a
vynynt ac yna y rodet amryuaelon gyghoreu. Rei
a gyghorei erchi idaỽ ran o|e deyrnas gan rydit.
Ereiỻ a gyghorei erchi kanat y vynet ymeith a|r
hẏn a vei reit y hynt gantunt. A gỽedẏ eu bot yn yr
amrysson hỽnỽ kyuodi a|wnaeth vn onadunt y vynyd
sef oed y|enỽ membyr a dywedut bot yn|oreu kyg+
or vdunt ac yn jachaf kymryt kanat y vynet ym+
eith o|mynynt jechyt vdunt ac eu hetiuedyon gỽe+
dy hỽy. Kanys o|r|rydheynt hỽy y brenhin a|chym+
ryt ran o|e gyuoeth gantaỽ y bressỽylaỽ yndi ym ̷
| « p 28v | p 29v » |