LlGC Llsgr. Peniarth 190 – tudalen 87
Ystoria Lucidar
87
ỻaỽ. a thros y rei a|oedynt yna yn uffern.
megys y dywedir. Ny|m hanuonet i o+
nyt ar y deueit a goỻes ty yr israel. Ty
yr israel. kystal yỽ hynny. a theyrnas y
rei a|welont duỽ. Sef ynt y rei hynny
yr engylyon. Y deueit a goỻet yỽ yr etho+
ledigyon y doeth crist y eu prynu o angheu.
megys y dywedir. Mi a|ossodaf vy eneit i
dros vyn deueit. dros y rei eidaỽ y dyweit
ef hynny. ac nyt dros y rei y dywaỽt ef y
geir hỽnn amdanunt. Nyt yttyỽch chỽi
o|m deueit i. Odyna ti a geffy yn yscriuen+
nedic. Dros y rei hynn yd archaf|i ac
nyt dros y byt. ac eil·weith y dyweit. Ti
a|e kereist ỽynt kynn gossot y byt. am
y rei hynny y dywedir. Hỽnn yỽ y gỽaet
a|dineuir dros lawer. ny dyweit ef yna
dros baỽp. Ny wnaeth angheu crist o|les
y|r rei drỽc onyt kyfyaỽn gyfyrgoỻedi+
gaeth. ac yn|y mod hỽnn y bu uarỽ ef
drostunt ỽy. kanys pob enwir yr dechreu
| « p 86 | p 88 » |