LlGC Llsgr. Peniarth 32 (Y Llyfr Teg) – tudalen 275
Rhinweddau Gwrando Offeren
275
[ Dysc vi duw keli kolouẏn iawnwlat nef
naf glanbobyl ardwẏat. diwann enw dewinn
enat diwael y dwywal rat. ~ ~ ~ ~ ~ ~
[ Dysc vi duw keli kolouẏn kleỽ hoew dawn
y haedu kyn ageu. barthreitredẏf borthẏat
radeỽ berthret bud tec y bod teỽ. ~ ~ ~ ~
[ O|r wen afyr·lladenn a|r ỻadin y gwnaythbỽẏt
korf. Map meir mawr vrenhin tra|dẏgẏn
greỽ asseỽ iessin trydwỻ draet a|e|waet o win.
[ Pei ystẏriei rei rinwedeỽ iessu. ae issit vidi
ae greỽ. kythrud oed dodi kethreỽ koethrat
yn yn|mawrdat meỽ. ~ ~ ~ ~ ~ ~ ~
[ Meỽ voli y|tri a ant ˄trwẏ lun bara yn bur vap
duw e|hun a|r tri tradoeth koeth kyvun.
try ef trwy nef ẏ tri yn vn. ~ ~ ~ ~ ~ ~
[ Tri gelyn ẏ|dyn duw trindawt yssyd y|w|sudaw
mẏwẏn* pechawt kythreul a|e wyt byt budy+
dlawt kaethrwẏm traws agnaws ẏ gnawt
[ Reit ẏm erchi ri rwyf koeth rwyd eidun
pob ryw dyd a pheunoeth rin lywawdyr ~
Kofyawdyr kyuoeth rat i|m gwir dat a|m
gwawr doeth. ~ ~ ~ ~ ~
| « p 274 | p 276 » |