Rhydychen, Llsgr. Rawlinson B 467 – tudalen 22r
Meddyginiaethau
22r
naẏmẏn*. aros eỽỻus* duỽ. Trỽy
ẏ ỻẏsseu hẏnn ẏ gỽneir medẏclẏn
ẏ|r neb ẏ|bo ẏsgeueint gornỽẏdoc
ar·naỽ ẏ eỻỽg a|dẏlẏ a|gẏnnal val
brath ẏsgeueint ẏn vn ar·dẏmer. ac
ẏ* penn vn vlỽẏdẏn ar dec gnotaf ẏỽ
marỽ ẏ|dẏn o·honaỽ. Pedeir teir+
ton ẏssẏd a|henẏỽ eu|bonned o|r penn.
Teirton vud. Teirton grẏd. Brat
gẏfuaruot. A|r tỽẏmẏn. A|r bẏmet
ẏỽ gỽaỻ|dỽẏmẏn. ac o|r pen pan he+
nẏỽ. Teirton vud o|gẏuot a|ỻẏn
a|ỻosceu ẏ gỽaredir. ỻẏma ẏ boned
ba vn ẏỽ. Magu gỽlẏbỽr gormod ẏn|ẏ
kẏỻa ac o hẏnnẏ kassau bỽẏt ohonaỽ.
a|e dinerthu ẏr haf. Ẏ ganỽreid heuyt.
| « p 21v | p 22v » |