Caergrawnt, Llsgr. Coleg y Drindod O.7.1 – tudalen 13v
Llyfr Blegywryd
13v
dynnyon nessaf y werth. Ac os bri duỽ
a watta. e hunan a tỽg vch seith
allaỽr gyssegredic. neu seith weith
ar yr vn allaỽr Os talaỽdyr a wat+
ta y mach; gỽadet ar y seithuet or
dynyon nessaf y werth. Os mach
a watta ran oe vechni ac adef
ran arall. ef e hunan vn weith ae
tỽg. Pỽy bynhac a prynho da y
gan arall. ac a uo mach e hunan
dros y gỽerth. ae varỽ kyn talu
ac adaỽ da y gan gedymdeithon.
yr haỽlỽr a dyly tal or da hỽnnỽ. ka+
nys y marỽ a vu vach kynnogyn
ida* bieuoed y da. ef a dyly tygu ar
y seithuet or dynnyon nessaf y
werth ar ved y talaỽdyr or dich ̷+
aỽn y gaffel ac onys dichaỽn; ar
allaỽr gyssegredic gỽerthu o·honaỽ
y da idaỽ. a bot hỽnnỽ yn vach kyn ̷+
nogyn idaỽ ynteu dros werth y da.
Pỽy bynhac a uo mach goruodaỽc
dros arall. ny rydheir hyt ympen
vn dyd a blỽydyn. Ac ny phoenhir
| « p 13r | p 14r » |