LlB Llsgr. Cotton Cleopatra A XIV – tudalen 100v
Llyfr Cyfnerth
100v
perchenaỽc y tir y llather arnaỽ a dyly dec
a deugeint y| gan y neb ae llatho. Tri phryf
y dyly y brenhin eu guerth py tu bynhac
y llather. llostlydan. a beleu. a charlỽg.
kanys ohonunt y guneir amaerỽyeu y
dillat y brenhin. Tri pheth ny at kyfreith
eu damdỽg blaỽt a guenyn ac aryant. ka+
nys kyffelyp a geffir y pop vn o·honunt.
thaỽl yssyd. cont gast. a
th. A guiweir. kanys tal
ac ellỽg allant pan y mynhont. Tri fren
ryd yssyd yn forest y brenhin. pren crip
eglỽys. A phren peleidyr a elhont yn reit
y brenhin. A phren elor.
TRi chehyryn kanastyr yssyd. Vn
yỽ ford y kertho kyfran o letrat. ka ̷+
nys naỽ affeith yssyd idaỽ. Eil yỽ hyd bren+
hin. pỽy bynhac ae kyllello. Trydyd yỽ
a·bo bleid y neb a wnel cam ymdanaỽ.
Tri chorn buelyn y brenhin. corn kyfed.
A chorn kyweithas. A chorn hela yn llaỽ y
| « p 100r | p 101r » |