LlGC Llsgr. 24049 (Boston 5) – tudalen 84
Llyfr Blegywryd
84
ỽẏd hẏwel da a|e gẏureith; Braỽdỽr llẏs
bennadur herwẏd sỽẏd gẏt a|brenhin
dinefuur. ac aberffraw ẏn wastat. Ac
vn brawt kẏmỽt neu gantref herwẏd
sỽẏd ẏm pob llẏs o|dadleuoed gwẏned. A|ph+
wẏs. A|braỽt o vreint tir ẏm|pob llẏs.
kẏmỽt neu gantref o|deuheubarth. nẏt
amgen. pob perchennaỽc tir. Pob braỽd+
ỽr sỽẏdaỽc a geiff pedeir keinnaỽc. kyfreith.
dros bop vraỽt a|dalho kẏmeint a|hẏnnẏ.
ẏ|gan ẏ|neb ẏ|barno idaỽ. Braỽdỽr o|vre+
int tir hagen nẏ|cheiff werth dros ẏ|vr+
aỽt. Kannẏs gwassanaethỽr tir ẏỽ. Ys+
beit pob braỽdỽr ẏỽ; y rodi barn rỽg dad+
leuỽẏr. onnẏ|s gỽẏbẏd pẏmthec niwar+
naỽt. kannẏ dẏlẏir gossot oet dadleu
ẏn llei ẏsbeit no hẏnnẏ. Ac os braỽdỽr
sỽẏdaỽc vẏd; ẏna barnet ẏ|dadẏl a|oed
ar oet. neu talet ẏ sỽẏd ẏ|r brenhin
heb amgen gollet. kannẏ dẏlẏ neb g+
ẏnhal sỽẏd hỽẏ noc ẏ gallo wneuthur
ẏ gwassanaeth ẏnn|ẏ hamser. Os bra ̷+
wdwẏr o|vreint tir a|archant ẏsbeit
am vraỽt. Ae o|bedruster. Ae o eisseu rei
o wẏr ẏ|llẏs. Ẏ|rei kẏtrẏchaỽl a gahant
oet heb tỽg. A|r brenhin kymell a|dẏlẏ
| « p 83 | p 85 » |