Llsgr. Caerdydd 1.362 (Hafod 1) – tudalen 69v
Brut y Brenhinoedd
69v
gỽaỽd* attunt y ssaesson a doethoedynt gyt a
phascen. Ac anuon kenhadeu hyt yn germani+
a y wahỽd* ereill odyno. A gỽedy kynnullaỽ dir+
uaỽr attadunt o lu. dechreu hanreithaỽ y gỽla+
doed yn eu kylch a|wnaethant. Ac ny orffowysys+
sont o|r creulonder hỽnnỽ; hyny orescynnassant
y dinassoed ar kestyll o hynny hyt yg kaer ef+
raỽc. Ac eu distryỽ o gỽbyl. Ac val yd oedynt
yn ymlad ar dinas hỽnnỽ. nachaf vthyr yn
dyuot a|e holl gedernyt gantaỽ. Ac yn diannot
ymlad a oruc ac ỽynt. Ac eissoes gỽedy bot brỽ+
ydyr y·rydunt. y kymhellỽyt y brytanyeit ar
ffo. Ac eu herlit a oruc y saesson ỽynt hyt y
mynyd damen tra parahỽys y dyd yn ole. Sef
kyffryỽ le oed y mynyd. vchell* oed a chelli gar+
regaỽc yn|y phen. Ac yno y kyrchỽys y bryta+
nyeit y nos honno. A gỽedy eu ymgynnullaỽ
y gyt. Erchi a wnaeth vthyr yỽ henhafgỽyr
kymryt kyghor ebrỽyd peth a wnelynt yn er+
byn y genedyl a oed yn|y kywarssegu yn gym+
eint a hynny. Ac ar hynny yn gyntaf y dywaỽt
Gorleis iarll kernyỽ yr ymadraỽd hỽn. kans hy+
naf gỽr oed a phrudaf y gyghor. Arglỽyd vren+
hin heb ef nyt reit vn amgylchynu ymadro+
dyon na chyghoreu gorwac. namyn hyt tra
paraho etỽa tywyllỽch y|nos y mae iaỽn y nin+
heu arueru oc an gleỽder. Megys y mynhom
anrydit an buched. kans ot arhoỽn ni y dyd. ny bar+
naf|i bot yn gryno yn ymgyuauot* ac ỽynt. kans
| « p 69r | p 70r » |