LlGC Llsgr. Peniarth 18 – tudalen 48r
Brut y Tywysogion
48r
char y|brenhin ỽedy rodi y|vap a deu ỽystyll ereill
drostaỽ. Y ulỽydyn honno y|gỽnaethpỽyt ioruerth a+
bat tallyllchy yn escob ymynyỽ. a|chadỽgaỽn lan
difei abat y|ty gỽynn yn escop ymangor. Ac yna yd
hedychaỽd gilys escob henford ar brenhin rac ofyn
y pab. Ac ar y|fford yn ymhoelut y|cleuychaỽd. Ac yg|ka+
er loyỽ y|bu varỽ amgylch gỽyl martin. A|thref y
tat ef a|gauas reinallt breỽys y|vraỽt ef. a|hỽnnỽ a
gymerth yn ỽreic idaỽ merch lyỽelyn ap ioruerth
tyỽyssaỽc gỽyned. Y ulỽydyn honno y|kynullaỽd
y|trydyd ynnocens bap kyffredin gyghor o|r holl
gristonogaeth hyt yn eglỽys laterannis yn rufe+
in. Ac yno yd atneỽydỽyt kyureitheu. A gossodedi+
gaetheu yr eglỽys. Ac yd ymgyghoret am nerthu
caerussalem a|daroed y saracinyeit y chyỽarsagu
yr ys|llaỽer o amseroed kynn o hynny. Y|ulỽydyn
honno y kynullaỽd llywelyn ap ioruerth a|chyffredin tyỽys+
sogyon kymry diruaỽr lu hyt yg|kaer vyrdin.
A chynn penn y pymhet dyd y|cauas y castell. Ac
y|byryaỽd yr llaỽr. Ac odyna y|torrassant castell
lann ystyphan. A|thalacharn. A|seincler. Ac ody+
na nos ỽyl thomas ebostol y|daethant geredigy+
aỽn. Ac ymlad ar castell a|orugant. Ac yna y|gỽr+
haaỽd gỽyr kemeis y lyỽelyn ap ioruerth. Ac y|rodet
idaỽ castell treftraeth. a|hỽnnỽ o gyffredin gygor
a ysigỽyt. A|phann ỽelas castellỽyr aberteiui na
| « p 47v | p 48v » |