LlGC Llsgr. 24049 (Boston 5) – tudalen 46
Llyfr Blegywryd
46
rann o|r lletrat. Naỽuet ẏỽ; kelu lletrat
ar|ẏ lleidẏr. Holl affeitheu gweithret
o affeitheu; galanas. neu losc. neu letrat.
dirỽẏus vẏd pob vn ohonunt. Tauaỽt+
rud a|llẏgatrud heb weithret llaỽ neu
droet; camlẏrẏus vẏd. Tal dros affeith+
eu galanas a|uỽẏnt gẏfuaded*. y|r·eeni
a|chẏt·etiuedẏon ẏ|lladedic ẏ|telir o gyfreith.
o|r cỽẏnant ẏmdanaỽ. Ac ef a|dẏlẏir ta ̷+
lu reith vdunt ỽẏ. ac ẏ|r|genedẏl mal kẏ ̷+
nt. ẏ|diwat llofurudẏaeth os gouẏnant.
neu dalu galanas vdunt. Y neb a|differo
rac lladron da a|dẏccer ẏn lletrat ar|tir nẏ
phieiffo; ẏ|trẏded rann o|r gobẏr diffrẏt a
geiff. a|r dỽẏ rann a|geiff arglỽẏd y tir
Gwerth lleidẏr a|werther; seith punt
O|R daỽ lleidẏr at offeirat ẏ|adef ac y en+
wi ẏ|getẏmeithon am|letrat a|thygu hyn+
nẏ ar|drỽs ẏ vẏnwent. ac ar|drws y kor heb erchi
eu kelu; beth|bẏnnac a|darffo ẏmdanaỽ g+
ỽedẏ hẏnnẏ; credadỽẏ vẏd ẏr offeirat ̷
am|ẏr hẏnn a|dẏwawt ẏ lleidẏr ỽrthaỽ.
Kẏffelẏb vod a|hẏnnẏ vẏd am dẏn a|van ̷+
acco lleidẏr a|lletrat a|dẏccer. o|r tỽng ẏ
vanac val hẏnnẏ ẏg gỽẏd ẏr offeirat.
| « p 45 | p 47 » |