Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 43v
Ystoria Lucidar
43v
gethu y|dynyon ynn wastat. Byd anneiryf o+
nadunt yg|kyfueir pob gỽyt yn tynnv yr eneit+
eu yn wastat ar eireu angkennadedic. Ac yn
menegi o|e tyỽyssaỽc drygyeu y|dynyon dann
chỽerthin a gỽatỽar. A|phỽy|bynnac o·nadunt
a|orffo gỽiryon arnaỽ. aghel y|gỽiryon hỽn+
nỽ a|e bỽrỽ ef y|waelaỽt vffernn yg|karchar.
ac ny edir ef vyth o hynny allann y amrys+
son a|nep o|r seint. A|e tyỽyssaỽc ỽy a|dyry vn
arall yn|y le ef. a|megys y|bỽrỽyt dyn o|bara+
dỽys am oruot o|r diaỽl arnaỽ. velle y|byrir
diaỽl yg|karchar vffernnaỽl pann orffo vn
o|r seint arnaỽ. A|allant ỽy wnneuthur a
aflonydỽch yr|nep a|vynnont. na|allant ỽy
vynet ym|plith y genveint voch onny byd
y|gadu o|duỽ. hỽyrach oll vdunt y|dynyon.
Corff dyn drỽy vedyd yssyd demyl yr ysbryt
glan. gỽedy ry|gyssegru o oleỽ kyssegredic
a chrisma. megys y|dyỽedir. Temyl duỽ.
glan yỽ yr hynn a|yỽch chỽi. vrth hynny. ef
a|vyd yn kyfuannhedv y demyl honn ynn
wastat a|e ysbryt glan. a|e vn aflan. Beth
a|rymhaa oleỽ y dynyon gỽann. Peth maỽr.
pechodeu a|gyffesser. Ac ny wneler yr eilỽeith.
neu y|rei penydyaỽl a|vadeuir drỽy yr ireit
| « p 43r | p 44r » |