LlB Llsgr. Ychwanegol 19,709 – tudalen 29v
Brut y Brenhinoedd
29v
nav gwir fyd o|dihewẏt y vrẏt. ac ynteu a|e kauas. a gvedẏ
gvelet o|r pab hỽnnỽ y grefydus damunet ef a|e darystyg ̷+
edigaeth. sef yd|anuones attaỽ deu·ỽr grefydus fydlaỽn
dyscodron a seiledic yn|y lan gatholic fyd y bregethu idaỽ
ac y|ỽ pobyl dyuotedigaeth yr arglvyd iessu grist yg|kna+
vt ac eu go˄lchedigaeth vynteyu drvy lan fynhaỽn vedẏd
sef gvyr oed y rei hẏnẏ. dvywan. a fagan. a gvedy dyuot
y gvyrda hynny. hyt yn ynys. prydein. a|phregethu y les vab
coel. a|e vedydyaỽ a|e ymchoelut at grist o|e hoỻ gaỻon
dechreu a|wnaeth y bobyl yn|y ỻe redec attanadunt ac
o|dysc ac agriff* eu brenhin credu y duỽ. ac eu bedydyaỽ
yn enỽ crist. drỽy fyd gatholic. ac veỻy eu rifaỽ ym|plith
y|gleinon genueinoed. ac eu talu y grist eu creaỽdyr vẏnt
ac ysef a|wnaethant y|gỽynuededigyon athraỽon hẏnnẏ
gvedy daruot udunt dileu kamgret o|r hoỻ ynys y|tem+
leu a oed gvedy eu seilav y|r geu dỽyweu. kysegru y rei
hẏnnẏ ac eu haberthu y|r gvir duỽ hoỻ·gyfoethavc ac
y|r ebystyl a|r seint. a gossot yndunt am·rafael genuein+
oed o vrdas y|lan eglvys y talu dỽywaỽl wassanaeth
y eu creaỽdẏr yndunt. ac yn yr amser hvnnv yd oedynt
yn ynys. prydein. yn talu en·ryded y|r geudỽyweu ỽyth tem+
yl ar|hugeint a|their priff temyl y ar hynny a oed vch
noc vynt Ac vrth gyfreitheu y|rei hẏnẏ y darystẏgei y
rei ereiỻ oỻ. ac o arch yr ebostolaỽl wyr hẏnnẏ y duc+
pvyt y|temleu hynny y ar y geudvyeu. ac yd aberthvyt
y duv ac y|r arglỽydes veir. ac ym|pop vn o|r vyth tem+
yl ar|hugeint gossot escob. ac ym|pop vn o|r teir tem+
vl arbenhic hynny gossot archescob a rannu yr vyth
| « p 29r | p 30r » |