Rhydychen, Llsgr. Rawlinson B 467 – tudalen 44r
Meddyginiaethau
44r
Mal hyn y|gỽneir eli tỽf kymer glessin
y koet a|r|danhogen a|r violed a|r|ỽrnerth a|e
morteru ẏgẏt ẏn|da a|e|dodi ẏ·gẏt ar|y|tan ac
emenyn a|e berỽẏ ẏn|da. a|e gỽasgu drỽy
lyein a|dodi hỽnn ar ỽareth ỽrth y|brath
LL yma mal ẏ|gỽẏbẏdyr beth vyd dyn
brathedic neu dyrnnodeu a|uyd byỽ
ẏ|dẏn kẏmer laeth gỽreic a|uo mab iddi
a|dot ẏchedic o|r llaeth ar|dor dy laỽ a|chmer*
drỽnc ẏ klaf a|dineu ẏ|llaeth ar|ben dẏ vẏs
ar y trỽnc os y|r gỽaelaỽt marỽ a|uyd os ar
yr ỽeneb byỽ a|uyd
LLyma mal y|gỽneir eli gỽressaỽc kẏmer
y vilfyd yr rei kochyon a|r tryỽ a|r|eirin+
llys maỽr a|e morteru hỽynt yn|da
a|e|dodi ar y|tan ac iro yr aelaỽt klaf ac
ef
| « p 43v | p 44v » |