LlGC Llsgr. Llanstephan 27 (Llyfr Coch Talgarth) – tudalen 82v
Ystoria Adda
82v
dawedic udunt. Sef oed honno gỽlat gaerussalem. ac
yna y dodes moẏsen ỻef uchel. ac y dywaỽt. Myn y wiri+
oned heb ef y teir gỽialen hynn a arwydockaant y
drindaỽt lan. ac odyna y kymerth moẏsen y gỽial trỽy
lewenyd maỽr. ac y dodes y myỽn ỻiein tec ỽynt. ac a|e
duc ganthaỽ yn ỻe creiryeu gỽerthuaỽr hyt tra vu yn|y
diffeith. a phan vrathei neidyr neu bryf neb o|r bobyl y ̷
deuei y brathedic att voysen. ac y rodei gussan y|r gỽial
a|r oric honno y bydei iach. ac ueỻy y|damchweinyaỽd
dydgỽeith ym·geinyaỽ o bobyl yr israel a|duỽ ac a moẏ+
sen am na cheffynt dỽfyr ỽrth eu reit a|e hangen. ac yna
y dywaỽt moẏsen trỽy y lit. Pa fford bobyl angcreda+
dun y credỽch chỽi gaỻu kaffel o·honam ni dỽfyr o|r
garrec galet honn. ac yna y trewis ef y garrec dỽy·we+
ith a|r wialen. ac y neidyaỽd y dỽfyr yn amyl y|r bobyl
o|r garrec. A gỽedy yr anryuedaỽt hỽnnỽ y dywaỽt duỽ
ỽrth voysen. O achaỽs nat enrydedeist di vy enỽ i yng
gwyd pobyl yr israel ny thywyssy di y bobyl honn y|r
wlat uendigedic. ac yna y|dywaỽt moysen ỽrth duỽ. Ar+
glỽyd pỽy a|e tywyssa ỽynteu. ac yna y|dywaỽt yr arglỽ+
yd. ny daỽ neb ohonunt ỽy y|r wlat vendigedic. dieithyr
caleph. a Josue. a thrỽy y parabyl hỽnnỽ y deaỻaỽd moẏ+
sen bot teruyn y vuched ef yn agos. Ac yna y doeth moẏ+
sen y vronn mynyd thabor. ac y plannaỽd y teir gỽialen
ac yn ymyl y gỽial hynny y gỽnaeth bed idaỽ e|hun.
ac yd aeth yndaỽ ac yd atuferaỽd y yspryt. Ac yno y bu+
ant y teir gỽialen yn|sefyỻ mil o vlỽynyded hyt yn
| « p 82r | p 83r » |