LlGC Llsgr. Peniarth 47 rhan i – tudalen 14
Ystoria Dared
14
a|e vrathu. a|llad llaỽer o|ỽyr groec llaỽ+
er o|uilioed o|bop tu. a|dygỽydassant a gỽedy
gỽelet o|agamemnon y|rann uỽyhaf o e lu beu+
nyd yn pallu. ac na|thygyei cladu y rei mei+
rỽ. adolỽyn kygkreir chỽemis a priaf
a|venegis o|e gyghor adolỽyn y groegussyon.
Y|troyanussyon a|dyỽdassant* na dylyit roi
kygreir vdunt kyhyt a|hynny. ac y mae
mỽy y dylyit eu blinaỽ. a|e goualu beunyd
a|llosci eu llogeu. Priaf a|ouynnaỽd y baỽb y
heỽyllys. a|rygadỽy uod uu gantunt o|r di+
ỽed kennadu eu|hadolỽyn y|r groegussyon.
[ agamemnon a|beris cladu y|rei eidaỽ a iach+
au menelaus. a dyomides a|oedynt vra+
thedic. a thra uu y kygreir o|gygor y dyỽy+
ssogyon ef a|aeth agamemnon. a|nestorr att
ychel y annoc idaỽ dyuot y|r vrỽydyr ac
ychel yn trist a|dechreuaỽd y|neckav ac er+
chi keissaỽ hedỽch. a|goualu a|oruc ef
ny aallei neckau agamemnon o|dim o|r a damu+
nei ac adaỽ idaỽ anuon y uarchogyon
gyt ac ef. pann delei amser brỽydyr
| « p 13 | p 15 » |