Breudwd Rhyddiaith Gymraeg 1300-1425
English

Llsgr. Amwythig 11 – tudalen 146

Deongl Terfynau'r Byd

146

mser ẏ|bu tremfuysc a gouẏdẏon ar ẏ se+
int ac n|ẏ amser ẏ bu n|ẏ bẏt llawer o
vuẏdẏon megẏs newẏneu a marwo+
laẏthe ar da ac ar dẏnẏon a|r braỽt
Cvlỽmbin ẏssẏd ẏn dẏwetut ac ẏn
canhorthỽẏo pan el dros Mil a thrẏch+
ant ac vn ulỽẏdẏn|ar|bẏmthec De+
ugein gwedẏ geni crist ẏd ẏmdengys yr
ancrist ẏg carusalem a|r dỽẏ yscẏm+
unedic genedlaet ẏ·gẏt ac ef ac yno
ẏ pregetha ac y daỽ herwẏd Jeuan
ebostol o baradỽẏs daẏraỽl deu proffỽ+
ẏt megẏs Enoc ac Eli ẏn tẏstolẏaeth
o barch Jessu ac ẏ godef duỽ ẏ|dio+
def ẏr agheu ẏndanaỽ a llad y penn
a|wna ac eissoes kẏuodi a wnant ẏ tr+
ẏdẏ dẏd o veirỽ ẏ vẏỽ ac ẏna ẏ trẏ
ancrist ac ẏ kẏwẏn ẏ lawer o wletẏd
dan bregethu Jessu crist ac yd enuẏn
ẏ discẏblon ar draỽs ẏ byt ẏ brẏgethu