Llsgr. Philadelphia 8680 – tudalen 44v
Brut y Brenhinoedd
44v
95
rydec y edrych ar yr anryf+
edaỽt hỽnnỽ. gan dalu
molyant y|r gỽr a|wredassei*
y ryỽ ormes hỽnnỽ y ar y
wlat. Ac ysef a|wnaeth
howel uab emyr ỻydaỽ
tristau am agheu y nith.
a gorchymun gỽneuthur
eglỽys uch y phenn yn|y
mynyd ỻe y cladyssit. a
hỽnnỽ a|elwir yr hynny
hyt hediỽ bed elen.
A Gwedy ymgynuỻaỽ
paỽb ygyt o|r yd|oed+
ynt yn aros. arthur a
gychỽynnaỽd odyno hyt
yn aỽgustudỽm. y ỻe y te+
bygei bot yr amheraỽdyr
a|e|lu yn|dyuot. A|gỽedy
y dyuot hyt ar|lann yr a+
uon wen ym|bỽrgỽyn.
ef a|uenegit idaỽ bot yr am+
heraỽdyr gỽedy pebyỻyaỽ
nyt oed beỻ odyno. a|chy+
meint o|luoed gantaỽ ac
y dywedit nat oed neb a|aỻ+
ei
96
gỽrthỽynebu idaỽ. ac yr
hynny eissoes ny chynhyr+
uaỽd arthur|dim. namyn
gossot y bebyỻeu a|e luesteu
ar lann yr auon. megys y
gaỻei yn rỽyd ac yn|ehang
ỻunyaethu y lu o|r bei reit
idaỽ yn|y|ỻe hỽnnỽ.
Ac odyna yd anuones arthur
boso o|ryt ychen. a gỽalch+
mei uab gỽyar. a gereint
garannỽys hyt ar amhe+
raỽdyr ruuein y erchi idaỽ
uynet o deruyneu ffreinc.
neu trannoeth rodi kat
ar|uaes y arthur. y wybot
pỽy oreu onadunt a|dylyei
ffreinc. Ac annoc a|oruc
Jeuenctit ỻys arthur y
walchmei gỽneuthur gỽr+
thgassed yn ỻys yr amher+
aỽdyr. Megys y geỻynt gaf ̷+
fel gosgymon y ymgyuar+
uot a gỽyr ruuein. Ac o+
dyna y trywyr hynny a
gerdassant att yr amheraỽdyr.
| « p 44r | p 45r » |