LlB Llsgr. Ychwanegol 19,709 – tudalen 28r
Brut y Brenhinoedd
28r
sius a|e lu y|r tir y|kyrchassant parth a|chaer pen
ỻỽytcoet yr hon a|elwir yr aỽrhon exon. a|gỽedẏ
dechreu ymlad a|r gaer honno ym|pen y|seithuet dyd
nachaf weiryd a|e lu yn dyuot ac yn|dianot yn ym+
lad ac ỽynt. a|r dyd hỽnn y|ỻas ỻawer o|pop parth
ac ny chafas yr vn y vudugolyaeth a|thrannoeth gỽe+
dy bydinaỽ o|pop parth y doeth y vrenhines y·rydunt
ac y|tagnefedỽys eu tywyssogyon. ac odyna yd an+
uonassant eu kytuarchogyon hyt yn iwerdon. a
gỽedy mynet y gayaf heibaỽ ymchoelut a|wnaeth
a|wnaeth waspasianus parth a|rufein a|thrigyav
a|oruc gỽeiryd yn|ynys. prydein. a gỽedy dynessaỽ gỽeiryd
parth a|heneint karu gỽyr rufein a|oruc a|thraethu
y|teyrnas drỽy hedỽch a|thagnefed a|chadarnhau
y|kyfreitheu a oed ossodedic yr y dechreu. a gossot ereiỻ
o newẏd a rodi rodyon mavr ehalaeth y a|e harchei ac
ueỻy yd ehedỽys y|glot dros teruyneu europa ac
y·gyt a|hynny y ofyn a|e garu a oed ar wyr rufein.
a mỽy a|dywedit y·mdanaỽ e|hun yn rufein noc am
vrenhined hoỻ teyrnassoed y bẏt. a hẏnnẏ a|dywavt
iuuenal vrth nero amheraỽdyr rufein. pan y|koffa+
ỽys yn|y lyfyr ef. Ti a|geffy heb ef vrenhin creulaỽn
kadarn y|d* erbẏn o ynys. prydein. a heb petrus gỽeiryd a+
darwenidaỽc oed hỽnnỽ. Nyt oed yn ymlad gvr
gadarnach noc ef. Nyt oed ar hedỽch gỽr arafach
nyt oed vn digrifach. nyt oed yn rodi da gỽr hae+
lach. a gỽedy teruynu dieuwed y vyched a|e varỽ
y|cladỽyt yg|kaer loyỽ y|myỽn temyl a|r|wnathoed
| « p 27v | p 28v » |