LlB Llsgr. Cotton Cleopatra A XIV – tudalen 44r
Llyfr Cyfnerth
44r
.llamhysten dof pop gỽyl uihagel a geiff
ef y gan yr hebogyd. Ancỽyn a| geiff yn| y
lety. Seic a| chorneit o lyn. Ef bieu trayan
dirỽy a| chamlỽrỽ ac ebediweu y kynydy ̷+
on a| thrayan gobreu eu merchet. Gyt ar
brenhin y bydant y kynydyon or nadolyc
hyt pan elhont y hela ewiged y| guanhỽ ̷+
yn. Or pan dechreuhont hela y kynteuin
hyt naỽuetdyd mei ny ỽrthebant y ae hol ̷+
ho onyt sỽydaỽc llys uyd. Y penkynyd nyt
atteb y neb or ae holho ony odiwedir duỽ
kalan mei kyn guiscaỽ cuaran y troet de ̷+
heu. March bitwosseb a geiff y gan y| bren ̷+
hin. a dỽy ran a geiff y march or ebran. Pan
tygho y penkynyd tyget y uỽyn y| gorn ae
gỽn ae gynllyuaneu. Pedeir keinhaỽc kyf ̷+
reith a geiff y| gan pop kynyd milgi. Ac ỽy ̷+
th geinhaỽc kyfreith y| gan pop kynyd
gellgi pan rotho y brenhin sỽydeu udunt.
Or| a y penkynyd yn anreith gan y teulu
neu gan lu y brenhin. canet y| gorn pan
| « p 43v | p 44v » |