LlB Llsgr. Cotton Cleopatra A XIV – tudalen 68v
Llyfr Cyfnerth
68v
trayan y werth yr neb ae prynho. Y neb a
wertho eidon yn gyfreithaỽl. ef a dyly bot
y·danaỽ rac y dera tri dieu a|their nos. A|th+
ri mis rac yr ysceueint. A blỽydyn rac
y pelleneu. Y neb a wertho llo neu di ̷+
nawet bit y·danaỽ rac y clauyri o galan
gayaf hyt ỽyl patric. Ny byd telediỽ ych
namyn o allweith hyt y| naỽuetweith.
Na buỽch namyn oe heil llo hyt y whech ̷+
et llo. A chyt elhon ỽy dros yr oet hỽnnỽ
ny ostỽg ar eu guerth kyfreithaỽl. tra uont
vyỽ. Or| llad yscrybyl trefgord eidon ac
na ỽyper py rei ae lladaỽd doet perche ̷+
naỽc yr eidon a| chreir gantaỽ yr tref a
rodent lỽ diarnabot. Ac odyna talent y
rif eidon. Ac or byd eidon moel ran deu
eidon a a arnaỽ. Ar gyfreith honno a el ̷+
wir llỽyr tal guedy llỽyr tỽg. Or byd ad ̷+
ef ar neb eidon llad y llall talet y perch ̷+
enaỽc. Pedeir keinhaỽc kyfreith yỽ gue ̷+
rth dant eidon neu dant march tom.
| « p 68r | p 69r » |