LlB Llsgr. Harley 4353 – tudalen 23r
Llyfr Cyfnerth
23r
naỽuetdyd barn. Y neb y barner datanhud
eredic idaỽ; gorffowys yn dihaỽl a geiff hy ̷+
ny ymchoelo y gefyn ar y das. Ac yn| y naỽ ̷+
uetdyd barn. Ny dyly neb datanhud na ̷+
myn o|r tir a| uo yn llaỽ y tat yn| y vyỽ a hyt
y varỽ. Py diỽ y barnher bynhac datanhud;
ny dichaỽn neb y uỽrỽ o|e datanhud nam ̷+
yn etiued priodaỽr. kany dichaỽn yr eil dat ̷+
anhud gỽrth·lad y kyntaf. Ac ny ỽrth·lad
ampriodaỽr ampriodaỽr arall o|e datanhud.
Ac o|r byd amrysson rỽg etiuedyon priodaỽr
am datanhud; ny dichaỽn vn gỽrthlad
y gilyd o gyfreith. O|r deu etiued gyfreith ̷+
aỽl; vn a| uyd priodaỽr ar datanhud cỽbyl
a|r llall ny byd. kanyt priodaỽr datanhud
cỽbyl y neb namyn y|r braỽt hynhaf. bre ̷+
int y braỽt hynhaf yỽ kymryt datanhud
cỽbyl dros y vrodyr. A chyt delhont ỽy o|e
vlaen ef; ny chaffant ỽy datanhud o gỽbyl.
Ac os kymerant; ef a|e gỽrthlad o·honaỽ
os myn. Os ygyt y| gofynant; ygyt y caf+
fant. mal y dywespỽyt vry. Nyt reit arhos
naỽuetdyd am teruynu tir. namyn pan i
vynho y brenhin a|e wyrda. Ny dylyir| he ̷+
uyt arhos naỽuetdyd rỽg priodaỽr ac am+
| « p 22v | p 23v » |