Rhydychen, Llsgr. Coleg yr Iesu 20 – tudalen 48r
Saith Doethion Rhufain
48r
ith y·gyt ac ef. A gwedy eu dyuot y
le disathyr dirgeledic . A dywedut
ỽrth y nei. Mi a gly waf heb ef
arogleu ỻysseu da. Minneu a|e clywaf
heb y mab. a|e mynny di ỽyntỽy. Myn+
naf heb ef. Ac a|r mab yn gostỽ·ng y
vedi y ỻysseu y vrathu a chyllell trỽy+
daỽ. yny dygỽyd yn varỽ y|r ỻaỽr.
Ac yna y cablaỽd paỽb ipocras ac yd
ymeỻtigỽyt. Ac velly arglỽyd amhe+
raỽdyr y deruyd y titheu. ac yd ymell+
tigyr o phery dihenydyaỽ dy vab ac ef
yn wirion. Na pharaf heb ef. A|r nos
honno gwedy daruot bỽyt gofyn a|o+
ruc yr amherodres a daroed dihenydy+
aỽ y mab. Na deryỽ heb yr amheraỽdyr.
Vn funyt y deruyd ytt|i o gredu y do+
ethon rufein. Ac y daruu gynt y ỽr a
ladaỽd y vab y benn. a|e gladu yn|yr ys+
teuyỻ bychein. Pa delỽ vu hynny heb
| « p 47v | p 48v » |