Rhydychen, Llsgr. Coleg yr Iesu 20 – tudalen 49r
Saith Doethion Rhufain
49r
redic geyr bronn y tỽr yn|y ỻe y torrassit
y edrych pei kaffei y ỻadron o|e dangos
y|r amheraỽdyr rac y ammheu ef. A|r lla+
dron gwedy treulaỽ y da hỽnnỽ ar dir
a|daear a thei a phlasseu ac ỽrth eu digrifỽch
ỽynt a doethant drachefyn tu a|r tỽr.
Ac ỽynt ac eu hisgafel ganthunt yn
kyrchu allan. ny ỽybu y tat vn geir
yny vyd hyt y wregis yn|y gerỽy+
neit lut. Ac yna gofyn kynghor a|o+
ruc y vab. Ny|s gỽn heb y mab onyt
torri dy benn a chledyf a|e gudyaỽ yn
ỻe dirgel. Kanys o|th ordiwedir di a|th
eneit y·not dy gystudyaỽ a|wneir ytt
a|th boeni. yny adefych y da. Ac yna
y manegy ditheu. Och arglỽyd vab
heb ef nyt veỻy gỽney a mi. truga+
rockaf gỽr o|r byt yỽ yr amheraỽdyr.
a|r da yssyd baraỽt. a|m eneit a gaffaf
inneu y eturyt drachefyn. Myn y gỽr
y credaf|i idaỽ heb y mab ny bỽryaf|i y
| « p 48v | p 49v » |