LlGC Llsgr. Llanstephan 4 – tudalen 19r
Buchedd Dewi
19r
vu yn deu hanner. ac a neidyaỽd y ne+
iỻ hanner idi dros benn y ỻeian hyt
is y thraet pan yttoed yn esgor. Gỽyrth
araỻ a|oruc dewi pan vedydywyt. ef a
ymdangosses fynnaỽn o|r daear ỻe
ny buassei ffynnaỽn eiryoet. a daỻ a|oed
yn|daly dewi ỽrth vedyd a gafas yna y
olỽc. Ac yna y daỻ a|wybu vot y mab
yd|oed yn|y daly ỽrth vedyd yn|gyflaỽn
o rat. a|chymryt y dỽfyr bedyd a|gol+
chi y wyneb ac ef. ac o|r aỽr y ganet.
daỻ wyneb·claỽr oed. ac yna y olỽc a
gafas a|chỽbyl o|r a berthynei arnei.
Sef a|wnaeth paỽp yna moli duỽ ual y
dy·lyynt. Y ỻe y dysgỽyt dewi yndaỽ a
elwit vetus rubus. y|ghymraec yỽ yr
henỻỽyn. Yno y dysgỽyt idaỽ ef seilym
yr hoỻ vlỽydyn a|e ỻithyon a|r offeren+
neu. Yno y gỽeles y gytdisgyblon ef
colomen a gyluin eur idi yn|dysgu deỽi
ac yn gỽare yn|y gylch. Odyna yd aeth
dewi hyt att athro a|elwit paỽlinus
a|disgybyl oed hỽnnỽ y esgob sant a|oed
yn ruuein. a hỽnnỽ a|dysgaỽd dewi yny
vu athro. Ac yna y damchweinyaỽd
coỻi o athro dewi y lygeit o dragormod
| « p 18v | p 19v » |