LlGC Llsgr. Peniarth 36A – tudalen 18v
Llyfr Blegywryd
18v
pedeir ar hugeint. pob odyn ar ny bo odyn
biben idi; trayan y gỽerth a dygỽyd.
Ryd yỽ yr brenhin hela ym pob lle y+
n| y wlat. Py le bynhac y gordiweder
hyd a uo kynydyon y brenhin yn| y hely.
ny cheiff neb warthaỽr tir o·honaỽ. Or
lledir hyd brenhin y myỽn tref breyr y
bore. katwet y breyr ef hyt hanher dyd.
ac or doant y kynydyon yna kymerent
ef. ac ony doant. paret y breyr y vligaỽ
a| llithyaỽ y kỽn or kic. a dyget y croen
gantaỽ atref. ar auu ar wharthaỽr ol
ar cỽn. ac ony doant y kynydyon y nos
honno. kymeret ef y kic oll. a chatwet
y kỽn ar croen yr kynydyon. Or lledir
y karỽ hanher dyd yn tref breyr. katwer
yn gyfan ef hyt y nos. Ac ony doant y
kynydyon yna. gỽnelher am hỽnnỽ
mal am y llall. Os y gyt ar nos. neu hyt
nos y lledir. tannet y breyr y vantell
arnaỽ a chatwet velly hyt y bore. ac ony
doant y kynydyon yna. gỽnaet ymdan ̷+
aỽ yn| y racdywededic vod. Pỽy bynhac
| « p 18r | p 19r » |