LlGC Llsgr. Peniarth 36A – tudalen 23v
Llyfr Blegywryd
23v
gan tri drychafel. Y sarhaet a| telir o tri
naỽ mu a thri naỽ vgeint aryant. Gỽerth
aelaỽt penkenedyl yỽ naỽ mu a naỽ vge+
in mu gan tri drychafel. Sarhaet breyr
dissỽyd a telir o whe bu a wheugeint aryant
y alanas a telir o naỽ mu a naỽ vgein
mu gan tri drychafel. Gỽerth bonhedic
canhỽynaỽl. teir bu a thri vgein mu gan
tri drychafel. Y sarhaet a| telir o teir bu a
thri vgeint aryant . Os gỽr bre ̷+
yr vyd bonhedic canhỽynaỽl heb gaeth
heb alltut pan lather yg gorwlat. whe
bu a geiff y breyr y gan y llofrud. kymro
vam tat vyd bonhedic canhỽynaỽl. heb
gaeth heb alltut heb letach yndaỽ.
Gỽerth bilaen brenhin teir bu a thri vgein
mu gan tri drychafel. Y sarhaet yỽ teir
bu a thri vgeint aryant. Galanas
bilaen breyr. hanheraỽc vyd ar alanas
bilaen brenhin. ac velly y sarhaet.
Galanas alltut brenhin teir bu a thri
vgein mu heb drychaefel*. y sarhaet
| « p 23r | p 24r » |