LlGC Llsgr. Peniarth 36A – tudalen 25r
Llyfr Blegywryd
25r
y trayan a gynheil gantaỽ ar deu parth a
geiff perchenhaỽc y| tir. Y neb a veichocco
gỽreic kaeth gỽr arall. Paret wreic yn lle
honno y wassanaethu hyny agho. ac yno
maget y tat yr etiued. ac or byd marỽ y
gaeth y ar yr etiued. talet y neb ae beicho+
ges y gỽerth oe harglỽyd. Y neb a gyttyo
a gỽreic kaeth heb ganhat y harglỽyd.
talet deudec keinhaỽc dros pob kyt. Pedeir
bu a phetwar vgeint aryant a telir dros
sarhaet teuluỽr brenhin. os o hynny yd ar+
delỽ. Teir bu a telir yn sarhaet teuluỽr
breyr. nyt amgen tri buhyn tal beinc.
Un werth vyd y neb a rother yg gỽystyl.
ar neb y rother drostaỽ yg|gỽystyl.
OR kymer gỽr wreic o rod kenedyl. Ac
os gat kyn pen seith mlyned; talet
idi teir punt yn| y hegỽedi os merch breyr
vyd. punt yn| y chowyll a hanher. whe
vgeint yn| y hamobyr. Os merch tayaỽc
vyd; punt a hanher yn| y hegỽedi. a whe
vgeint yn| y chowyll. a phedeir ar| hugeint
| « p 24v | p 25v » |