LlGC Llsgr. Peniarth 46 – tudalen 281
Brut y Brenhinoedd
281
llychlynn a|uuassei uarỽ. ac a gymunassei
y|leu y|nei. a|e ỽrthot a ỽnaeth y llychlynỽyr.
ac urdaỽ rycỽlff yn urenhin arnadunt. a
chadarnnhau a|oruc hỽnnỽ y kestyll. a|e dinassoed gann
uedylyaỽ daly yn erbyn arthur. a|r amsser
hỽnnỽ yd oed gỽalchmei mab lleu uab kyn+
uarch yn oed deudegmlỽyd yn gỽassanaethu
suplicius bap ỽedy anuon o arthur y|eỽythyr
ef y|dysgu moes a|milỽryaeth hyt yno. a|gỽe+
dy dyuot arthur hyt yn traeth llychlynn.
nachaf rycỽlff a|llu maỽr yn dyuot yn|y er+
byn. a|gỽedy gellỽg llaỽer o|greu. a gỽaet o
bop parth. a|llad rycỽlff a|llaỽer ygyt ac ef.
y|cauas arthur y|uudugolyaeth. a|llosci a|ỽn+
aethant y kestyll. a|r dinassoed. ac ny pheidas+
sant yny oresgynnassant. llychlynn. a|denmarc
a|e hestỽg ỽrth arglỽydiaeth arthur. ac yna
y gossodes arthur leu uap kynuarch yn uren+
hin yn llychlyn. ac yd aeth arthur y|ffreinc.
a|dechreu a|ỽnaeth anreithaỽ y|gỽladoed o|bop
parth idaỽ. a|r amsser hỽnnỽ yd oed ffrollo yn
tyỽyssaỽc ar ffreinc ydan les amheraỽdyr
| « p 280 | p 282 » |