Rhydychen, Llsgr. Rawlinson B 467 – tudalen 17r
Meddyginiaethau
17r
T *rỽi borth duỽ goruchaf y+
ma ẏ dangossir o|r|medigẏnaethe+
u bonediccaf. Ac o|r peth pennaf ar
gorf dẏn ẏ dechreuỽn nẏt amgen o|r
pen kans ẏndaỽ ẏ|mae pump synỽ+
yr corf. Tri ỻe hagen ẏn benaf ẏ|me+
gir cleffẏdeu. Vn yỽ yn|ẏ tonn. Yr eil
ẏỽ ẏn|ẏ greuan. Y trẏdit* ẏỽ ẏ|gread+
ur. O|ỽaet a|ỻosceu ẏ gỽaredir ẏ|tonn.
O|agori ar ẏ penn hẏt ẏ greuan. a|goỻ+
ỽg ẏ|gỽenỽẏn aỻan ẏ gỽaredir ẏ|greu+
an. O|agori ar ẏ penn hẏt ẏ greadur
ẏ gỽaredir ẏ greadur. kẏmrẏt ẏ|deu
parth o|r danhogen a|r traean o|r vio+
let ac emenẏn haỻt ac eu maedu
ẏghẏt a dodi ỽrthaỽ. A|hẏnnẏ a edi+
The text Meddyginiaethau starts on line 1.
| « p 16v | p 17v » |