BL Additional MS. 14,912 – page 62v
Meddyginiaethau
62v
ryt ˄y ỻit a hynny a|ỽna ỻyỽenydd. O+
d|a sarph yng geneu dyn neu o byd
yn·daỽ bryuet ereiỻ byỽ traỽet arno+
ment ar|ỽin yn deỽ ac yuet hỽnnỽ
ac ef a geif rydit. O|genir pryuet
myỽn dyn neu lỽddỽn dot arnaỽ ỽ ̷ ̷+
reidd y fragans ac ef a uydd marỽ
y pryuet yn ddiannot [ Araỻ yỽ
taraỽ deil y ditaen ar ỽin kadarn ac
yuet ar y gythlỽng. Rac y ỻyngher
yuet fioleit o|sugyn y plantaen. id est.
yr erỻyryat a dodi y ỻysseu hỽnnỽ
ar y vogel [ Araỻ yỽ taraỽ y vilfei
ar ỽin ar y gytlỽng vnỽeith ac ỽynt
a|ddoant oỻ aỻan y|dydd hỽnnỽ.
Rac y cryt yuet sugyn y rut a gỽin a|ỻyng ̷ ̷+
ket tri gronyn o|r kobandrum ac yuet
yr apiỽm drỽy dỽfyr. id est. ysmael a|chyn+
| « p 62r | p 63r » |