Bodorgan MS. – page 7
Llyfr Cyfnerth
7
Kyffelyp y hynny yỽ naỽd dryssaỽr
yr ystauell. Naỽd y porthaỽr yỽ kadỽ
y dyn hyny del y penteulu trỽy y porth
parth ae lety. Ac yna kerdet y naỽdỽr
yn diogel hyt pan adaỽho y dyn diwe ̷+
thaf y llys. Naỽd y| gỽastraỽt auỽyn
yỽ tra wnel y gof llys pedeir pedol ac eu
to hoelyon a thra pedoler amỽs y bren+
hin. Kyffelyp y hynny yỽ naỽd y gỽas+
traỽt arall. Pỽy bynhac a torher y
naỽd; neut sarhaet idaỽ. Sef a te ̷+
lir yn sarhaet y penteulu; trayan sar ̷+
haet y brenhin heb eur a heb aryant.
Sef a telir yn| y alanas trayan gala+
nas y brenhin heb eur a heb aryant.
Llety y penteulu yỽ y ty mỽyhaf yn| y
tref. kanys yn| y gylch ef y bydant lle+
tyeu y teulu. mal y bỽynt paraỽt ym
pop reit. An cỽyn a geiff yn| y lety teir
seic a thri chorneit med o|r llys. A their
punt yn| y gyfarỽs pop blỽydyn y| gan y
brenhin. O|r anreith a wnel y teulu ran
deu·ỽr a geiff y penteulu o|r byd y·gyt ac
ỽynt. Ac o trayan y brenhin yr eidon a.
| « p 6 | p 8 » |