Breudwd Welsh Prose 1300-1425
Cymraeg

NLW MS. 24029 (Boston 5) – page 105

Llyfr Blegywryd

105

gen. Tauaỽt. Tri golhỽẏth o|r mẏnỽ+
gẏl. Kẏmhibeu. Callon. Deulỽẏn. Jar.
Tumon. Hẏd·gẏllen. Herwth. Afuu. ~ ~ ~
Ẏ|nneb a|dẏcco vn o|r rei hẏnn heb gan+
nat ẏ kẏnẏdẏon; camlẏrẏus vẏd. Dr+
ostunt oll o|r dẏgir; teir punt a|telir.
O|R kẏllella neb ef heb ẏ|gudẏaỽ. cam+
lẏrẏus vẏd. namẏn o|r mod racdẏweded+
ic. Gwerth hẏd ẏỽ; ẏch. Ewic; buch
telediỽ a|tal. Gwerth hẏd dof ẏ|brenhin;
ẏỽ punt. Gwerth croen hẏd; deudec
keinnaỽc kẏureith. Gwerth croen ew+
ic; wẏth geinnaỽc a|tal. Gwerth pob
lletuegin brenhin. neu vrenhines; ẏỽ
punt. Gwerth lletuegin breẏr. neu ẏ
wreic. neu ẏ|verch; wheugeint Gw+
erth lletuegin taẏaỽc; keinnawc cotta
O|R bẏd helẏ gellgỽn ẏ|vreyr arho+
et ef hẏnnẏ ellẏgho kẏnẏdẏon y bre+
nhin eu kỽn teir·gweith ẏ|bore. Ac o+
dyna gollẏget ẏnteu ẏ|gỽn ẏn rẏd.
A phẏ|le|bẏnnac ẏ llather ẏ carỽ roder
wharthaỽr tir ohonnaỽ. PẎ|ffordaỽl
bẏnnac a|vratho bỽẏstuil gỽyllt ar|ffo+
rd yn fforest brenhin; erlittẏet ef tra