BL Cotton Cleopatra MS. A XIV – page 34r
Llyfr Cyfnerth
34r
ydyn. y nadolyc. ar pasc. ar sulguyn. Ran
o holl enill y brenhin oe wlat dilis a geiff
y urenhines. Sỽydogyon y urenhin·es a
gaffant ran o holl enill sỽydogyon y bren+
hin. Tri dyn a| wna sarhaet yr brenhin.
y neb a| torho y naỽd. Ar neb a ladho y ỽr
yn| y ỽyd ac yg gỽyd y niuer pan uo ym+
aruoll a chymanua y·rydaỽ a phenaeth or*
arall. Ar neb a| rỽystro y| wreic. Can mu
hagen a telir yr brenhin yn| y sarhaet yg
kyueir pop cantref oe teyrnas. A guyalen
aryant a|thri ban erni a|thri y·deni. a|gyr+
haetho or dayar hyt yn iat y brenhin pan
eistetho yn| y gadeir. kyn urasset ae aran* ̷+
uys. A fiol eur a anho llaỽn diaỽt y bren+
hin yndi. kyn teỽhet ac ewin amaeth a
amaetho seith mlyned. A chlaỽr eur ar+
nei kyflet ac ỽyneb y brenhin kyn teỽ ̷+
het ar fiol. Breint arglỽyd dineuỽr heuyt
a| tecceir o warthec guynyon. a phen pop
vn ỽrth loscỽrn y llall a| tharỽ rỽg pop vge+
| « p 33v | p 34v » |