BL Cotton Cleopatra MS. B V part i – page 107v
Brut y Brenhinoedd
107v
parattoi y llynghes. Sef y klywei llef anghel o|r nef
yn dywedut wrthaw. ac erchi ydaw nat aruaeth
ev mynet y ynys brydein; canys ny mynnei duw
gwledychu o|r bruttanyeit yno. yny delei yr amser
a darogannws Merdyn emreis ger bron gorth+
eyrn gwrthenev. Ac yna yd erchys yr anghel y gat+
waladyr mynet hyt yn ruvein ar Sergius bab y
ev benydiaw; ac ef a rivyt yno y·rwng y rei gwyn+
vydedic. Ac yna y dywat yr anghel y mae drwy
evyrllit y ffyd ef; y caffei y brutannyeit llywodra+
eth ynys brydein. Pan darffei idaw ef eilenwi
yr amser tynghetvenawl. Ac ny byd hynny y+
ny del esgyrn catwaladyr y ynys brydein o ruve+
in. A hynny a geffir o|r diwed; pan dangosser
esgyrn y seint oll a gudiwyt rac ovyn y paga+
nyeit yn ruvein. A phan gaffer hynny; y keif
y brutannyeit ev hen deilyngdaut a medyant
cwbyl o ynys brydein. Pan daruu yr anghel
tervynv ar y ymadrawd; y doeth catwaladyr hyt
ar alan vrenhin llydaw. a menegi idaw cwbyl o|r
hynn a dywedassei yr anghel wrthaw. Ac yno y
kymyrth alan attaw holl llyffrev darogannev
Merdyn emreis. ar hwnn yr eryr. a chathleu si+
billa; y edrych a gyt retteint a geiriev yr anghel.
A phan y gwelas yn kyt·rydec da uu ganthaw;
ac annoc y catwaladyr vynet y ruvein. Ac anvon
Juor y vab ac ynyr y nei y geisiau kynnal ynys
brydein o waet o wir dylyet rac mynet gwe+
lydon ar y brutannyeit. Ac yno yd ymwrthodes
| « p 107r | p 108r » |