Breudwd Welsh Prose 1300-1425
Cymraeg

BL Cotton Titus MS. D IX – page 88r

Llyfr Blegywryd

88r

a|bot vn yn dywedut. ti|bieu keissaỽ creir.
titheu bieu keissaỽ creir. Y|gyureith honn
a|dyỽeit panyỽ y|neb bieiffo llithyaỽ
y|llỽ. bieu keissaỽ y|creir. kanys y|creir
a devisso bieu y|dỽynn y|lithyaỽ ac ef.
BRadwyr arglỽyd. a|lladron. a|phyrnic+
wyr. a|phob dyn a|uo eneit·vadeu. ny dy+
lyir galanas ymdanadunt. Sef yỽ; ffyr+
niccrỽyd. diuỽynaỽ y|da y|r perchenn. ac
idaỽ ynteu. Sef yỽ lletrat. pob peth a  ̷
dyccer. ac a|ỽatter. Sef yỽ agkyuarch.
pob peth a|dyccer yn aỽssen. ac ny|watt+
er. Sef yỽ treis; pob peth a|dyccer yg|g+
ỽyd dyn o|e anvod. Sef yỽ anvodeu pob
peth a|d·yccer yn rith arall. Ny dylyir
am anvodyeu dim namyn dieissyỽaỽ
y Y.  D. Y. N. O. E. D. a