Cardiff MS. 1.363 (Hafod 2) – page 81r
Brut y Brenhinoedd
81r
1
thyon y gyt ac ef. ac en wuyhaf oll o achaỽs
2
medyant ac arglwydyaeth gwyr rvueyn a gwe+
3
ythredoed ev tadeỽ ac ev hentadev kas ynt y gan
4
llawer o vrenhyned. Ac vrth henny pey kerdey vn
5
onadvnt y gyt a nyver bychan. ac attoed ef kyw+
6
arssengyt ef y gan y elynyon. ac evelly e kywyly+
7
dyt kyffredyn gyhoed rvueyn. Ac y wrth henny
8
en hedvch a tangnheved e|deỽth. a tangnheved a k+
9
eys. a henny e mae en|y dangos ar y weythret. kanys
10
yr pan dyskynnassam ny ar tyr er enys honn. ny
11
wnaetham na threys na chollet na sarhaet nac eys+
12
syev y nep. en trevl ac en reydyev megys kenedyl
13
tangnhevedvs a prynnassam ny ac ny dvgom ny
14
dym y treys y ar nep. Ac gwedy pedrvssav o kyn+
15
an meyryadavc ena pa peth a wneley a|e emlad
16
ac wynt a|e entev rody hedvch vdvnt. nessav ena
17
a orỽc karadavc yarll kernyw a gwyrda a hynaf+
18
gwyr e teyrnas y gyt ac ef ac annog y kynan
19
rody vdvnt er hynn ed oedynt en|y adolwyn. A
20
chet bey gwell gan kynan emlad ac wynt. eys+
21
syoes dyesc* eỽ harvev a orvc pavb onadvnt a|ch+
22
anhyadv hedvch vdvnt. a dwyn maxen a|e kyt+
| « p 80v | p 81v » |