BL Harley MS. 958 – page 18r
Llyfr Blegywryd
18r
keinaỽc kẏfreith. Notwẏd gỽreic kyw+
rein arall; keinaỽc kẏfreith a tal. Tri
kẏfrinach ẏssẏd weỻ eu hadef noc eu ke ̷+
lu; brad arglỽẏd a|e goỻedeu. A|chẏnỻỽẏn.
A|ỻad o dẏn ẏ tat. ot adefir ẏ|ghẏfrinach.
Tri aneueil vn troedaỽc ẏssẏd march
A hebaỽc. A milgi. Ẏ neb a|torho troet vn
o·honunt. talet ẏ werth ẏn hoỻaỽl. Tri
phren a dẏlẏ pop adeilỽr maestir ẏ gaf+
fel ẏ|gan ẏ neb pieiffo ẏ coet mẏnho ẏ|co+
etỽr na vẏnho; nenpren a|dỽẏ nenforch.
Tri pheth nẏ|thelir kẏn coỻer ẏn randẏ
kyỻeỻ. A chledẏf. A ỻaỽdẏr. Teir sarha+
et kelein ẏnt. pan lather. pan ẏspeiler
A phan ẏthẏer ẏnẏ dẏgỽẏt*. Teir gỽar+
thrud kelein ẏnt. goffẏn pỽẏ a ladaỽd
hỽn. Pieu ẏr|elor hon. Pieu ẏ bed ne ̷+
wẏd hỽn. Teir gauael nẏt atuerir. vn
ẏỽ a dẏcker dros ledrat. Ac vn ar vach nẏ
chẏmeỻo ẏ vechniaeth. A thros alanas.
Tri rẏỽ tal ẏssẏd ẏ gỽẏnur. geutỽg neu
atwerth. neu eturẏt. Tri ẏmdiỻỽg o
rỽẏm haỽl ẏssẏd. gwirtỽg. neu waessaf
neu ẏnuẏtrỽẏd. Tri chargẏchwẏn heb
attẏchwel. vn ẏỽ gỽereic gwedẏ ẏd|ẏscar+
rho a|e gỽr ẏn gẏfreithaỽl. A|chẏssỽẏnuab
| « p 17v | p 18v » |