BL Harley MS. 958 – page 38v
Llyfr Blegywryd
38v
hẏnnẏ ẏ traẏan a gẏnheil gantaỽ. a|r
deu·parth a geiff perchennaỽc ẏ tir. Y neb
a ueichocco gỽreic kaeth ẏ ỽr araỻ. paret
wreic ẏn ỻe honno ẏ wassanaethu ẏnẏ
agho. A gỽedẏ agho maget ẏ tat ẏr etiued
Ac o|r bẏd marỽ ẏ gaeth ẏ ar ẏr etiued. ta+
let ẏ neb a|e beichoges ẏ werth o|e arglỽ+
ẏd. Y neb a gẏttẏo a|gỽreic kaeth heb gan+
hat ẏ harglỽẏd. talet deudec keinhaỽc dros
pop kẏt. Pop rẏỽ dẏn eithẏr aỻtut a|uẏd
drẏchauel ar ẏ werth ac ar sarhaet. Lle
ẏ taler ugeinheu o arẏant gẏt a gỽarthec
ẏn ỻe ar·drẏchauel ẏ kẏnhelir. Pedeir bu
a phetwar ugeint arẏant a|telir dros sar+
haet teuluỽr brenhin os o hẏnnẏ ẏd arde+
lỽ. Teir bu a telir ẏn sarhaet teuluỽr bre+
ẏr. nẏt amgen tri buhẏn tal beinc. Vn wer+
th uẏd ẏ neb a rother ẏ gỽẏstil. a|r|neb ẏ roth+
O |R kẏmer gỽr wreic o rod [ er drostaỽ.
kenedẏl. ac os gad kẏn pen ẏ seith mlẏ+
ned. talet idi teir punt ẏn|ẏ hegwedi os mer+
ch breẏr uẏd. Punt a hanher ẏn|ẏ chowẏỻ.
Hweugeint ẏn|ẏ gobẏr. Os merch taẏaỽc
vẏd punt a hanner ẏn|ẏ hegwedi. a hweu+
| « p 38r | p 39r » |