Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 100v

Buchedd Dewi

100v

holl dayar. A|phann daruu y|deỽi y|ỽedi. kyuodi yn
holl yach a|oruc y|mab mal bei atuei yn kyuodi o
gyscu. A|deỽi erbyn y laỽ deheu yn|y gyuodi a|e rodi
yn|holl yach y|vam. Sef a|oruc y|mab o|r lle y kyuo+
det ef o|veirỽ kannhlyn deỽi o|vedỽl a gỽeithret.
ac ef a|uu drỽy laỽer o|vlỽynnyded ygyt a|deỽi yn
gỽassannaethu duỽ. A|phaỽb o|r a|ỽelsant hynny a
volyassant duỽ. Odyna y|kerddaỽd dauid ygyt a
chennadeu y|seint hyt y sened yr oedit yn|y aros.
A|phann deuth dauid yno y|kyuodes yr|holl seint y+
n|y erbyn pann ỽelsant ef yn dyuot. A|chyuarch gỽe*+
ell idaỽ. a syrthyaỽ ar dal y glinyeu ac erchi idaỽ
pregethu. gann dyrchauel ohonaỽ y|benn brynn
vchel y|lle y|buassei bregeth kynn o|hynny. Ac es+
cussaỽ a|oruc ef ar dalym o enkyt vrthunt. a|dyỽe+
dut na bedei ef ac na|allei ỽnneuthur y|peth yd
oedynt ỽy yn|y erchi idaỽ. eissoes ef a|gymerth
venndith y|kyffredin ac a|vfydhaaỽd vdunt. a gỽr+
thot a|oruc ef ysgynnv y|benn y|brenn. a|dyỽedut
na mynnei ef le y|seuyll onnyt ar|y|llaỽr gỽastat.
a|dechreu pregethu odyno a|oruc deỽi o|gyureith grist.
ar euegyl. a|hynny megys llef kornn eglur. a yn
amlỽc hynny y|bop|dyn. yr pellaf yn gynn eglur+
et ar yr nessaf. ac yn gynn|gyffredinet ac y|bydei
yr|heul y|baỽp pann vei hanner dyd. a|hynny a|uu